១. ឈប់ស្រឡាញ់អូនទៅ
បើពេលឥឡូវពិបាករស់នៅជាមួយគ្នាផង
ឈប់ស្រឡាញ់គ្នា គឺអស់កម្មពៀរព្រោះអស់ចំណង
ពាក្យពេចន៍អូនបង គួរឈប់សាសងហើយផ្ដាច់និស្ស័យ។

២. ឈប់ស្រឡាញ់អូនទៅ
ឈប់ពេលឥឡូវ នោះទើបអូននៅស្រឡាញ់ប្រុសថ្លៃ
ព្រោះក្ដីស្នេហាខ្វះការស្មោះត្រង់ក៏អស់តម្លៃ
នៅស្នេហ៍ធ្វើអ្វី បើរឿងអប្រិយកើតពីស្នេហា។

៣. ពិភពលោកិយចែងចាំងរស្មីអផ្សុកអំពល់
យល់តែកង្វល់ច្របូកច្របល់ច្រណែនឫស្យា
រឿងរ៉ាវពាក្យពិតមិនដែលចូលចិត្តសាសងវាចា
ឯរឿងស្នេហាកើតឡើងពេលណាអាប់អស់សិរី។

៤. ឈប់ស្រឡាញ់អូនចុះ
ទុកឲ្យអូនរស់ក្នុងនាមមានឈ្មោះថាមានសេរី
មានសេរីភាពរីកថ្លាគំនិតជីវិតទាសី
អូនមានរស្មីលុះណាប្រុសថ្លៃឈប់ស្រឡាញ់អូន។

បន្ទរ ៣.

ទីបញ្ចប់ៈ ឈប់ស្រឡាញ់អូនៗ ឈប់ស្រឡាញ់អូនទៅ...