I. (ស) ចិត្តអូនប្លែកណាស់ ស្ទើរខ្មាសគេស្លាប់ទៅហើយ
លោកប្តីអូនអើយ ទៅធ្វើការពីព្រឹកទល់យប់
ការអ្វីច្រើនម្ល៉េះ ប្លែកតែបងរវល់ឥតឈប់
ថ្ងៃណាក៏យប់ លុះត្រឡប់ធុំក្លិនតែស្រា
អូនសួរពេលណា ប្រុសបងឆ្លើយថា ចៅហ្វាយលោកប៉ាវផឹក។

II. (ប) ហ៊ឹ! ធ្វើការចង់ងាប់ ព្រោះចង់ផ្គាប់ចិត្តលោកធំ
ការគរដូចភ្នំ មកផ្ទះវិញ ចោទបងប្រមឹក
យូរៗញ៉ាំម្តង បងការពារ ក្រែងកើតរោគស្ពឹក
ម៉ែថាបើផឹក សូមកុំឱ្យតែបងមានស្រី
អូនអើយកុំភ័យ បងមិនមានថ្មី ឱ្យស្រីនៅមេម៉ាយ។

III. (ស) នែ៎បង! បើកលុយគ្មានសល់ អូនឆ្ងល់បាត់រាល់តែខែ
(ប) កុំមាត់ខ្មាសគេ ឱ!មាសស្នេហ៍បងយកទៅចាយ
(ស) ហ៊ឹ! ច្បាស់ជាមានស្រី ហើយញុំាស្រាហ៊ឺហារសប្បាយ
(ប) ណ្ហើយ! អូនអើយកុំស្តាយ អស់មួយខែនៅសល់មួយខែ
(ស) យ៉ើ! ថ្ងៃក្រោយមិនកែ តែបាត់ប្រាក់ខែ ម៉ែឱ្យលែងបងហើយ។

បន្ទរ ៖ I-III ជាទីបញ្ចប់៖ ថ្ងៃក្រោយមិនកែ អូនសូមតាមម៉ែ យកប្ដីមួយទៀតហើយ។