I. ស្រណោះរាម កំណើតស្នេហ៍ខ្ញុំ ធ្លាប់សុខុម ជួបភក្ត្រគ្នារាល់ថ្ងៃ 
ឥឡូវកម្មកាច បំបែកចេញឆ្ងាយ អូនសែនស្តាយ ខ្លាចឆោមឆាយ ប្រែចិន្តា ។ 

II. រូបឆ្ងាយពិត តែចិត្តនិត្យនៅ ជិតប្រុសពៅ បងនៅកំព្រាឯកា 
មិនដឹងបងព្រួយ កើតទុក្ខយ៉ាងណា តែចិន្តា អូននៅតែស្មោះ នឹងបង ។ 

R. ទូកតូចយ៉ាងណា អាចឆ្លងសាគរធំកន្លង រាមស្នេហ៍អូននិងបង ចងចិត្តយើងទាំងពីរ ។ 

III. អូនដឹងចិន្តាបងមិនល្អៀង ផ្ញើចម្រៀង តាមវាតាជូនប្រុសថ្លៃ 
កុំអស់សង្ឃឹម យើងគង់មានថ្ងៃ ជួបចរណៃ ជួបហើយ លែងព្រាត់គ្នាទៀត ៕