Khmer Dictionary: យោង

Chuon Nath's Khmer-Khmer Dictionary

យោង ( កិ.កិរិយាសព្ទ )
ភើចទាញពីខាងក្រោមមកខាងលើដោយចាប់កាន់ខ្សែឬពួរ : យោង ទឹកអណ្តូង ។ នាំមុខ, អន្ទងពីមុខ : ដើរយោងមុខ, ជិះសេះយោងមុខគោ ។ ធ្វើឲ្យអណ្តែតឡើង, ធ្វើឲ្យឡើងពីក្រាប : យោងមុខបូស, ព័ទ្ធបូសយោងមុខឲ្យឡើង ។ ជួយស្រោចស្រង់សង្រ្គោះ ដោយនាំមុខឲ្យបានប្រយោជន៍, ឲ្យបានស្រួល : យោងឲ្យរួចពីក្រីក្រ, យោងញាតិ, រកស៊ីយោងគ្នា, និយាយយោងគ្នា, ឆ្លើយយោងគ្នា ។ នាំយកគ្រឿងឆ្ងន់ទៅមក, ទទួលបន្ទុកធ្ងន់ : យោងសម្ពាយពីរបីតែ ម្នាក់ឯង; ធ្ងន់ណាស់យោងមិនរួចទេ ។ គូសជាគំនូសឬដឹកជាខ្សែទៅរកគ្នា, សរសេរឆ្លើយរកគ្នា : គូសយោង, សរសេរយោង, ដាក់លេខយោង ។
- យោងខ្លួន ឬ - យោងអាត្មា នាំខ្លួនឲ្យរួច, ធ្វើខ្លួនឲ្យបានសុខស្រួល ។
- យោងដំណើរ ឬ
- យោងសេចក្តី ធ្វើដំណើរឬសេចក្ដីឲ្យអណ្តែតឡើង, ឲ្យច្បាស់លាស់ ។
- យោងយឹត ឬ - យឹតយោង ជួយឲ្យរួចពីទុក្ខភ័យ, ឲ្យបានរួចពីការក្រ; ជេរប្រទេចផ្តាសា បូរបាច់ឲ្យវិនាស ។
- យោងអន្ទង ដឹកនាំឲ្យបានរួចពីការក្រ, ណែនាំ ឲ្យកើតប្រយោជន៍ ។
- ខ្យល់យោងទឹក ខ្យល់ដែលបក់យោងទឹកឲ្យឡើងឬយោងទឹកឲ្យធ្លាក់ភ្លៀង ។
- អណ្តូងយោង អណ្តូងដែលជ្រៅ ដងទឹកបានតែដោយយោង ។ល។
យោង ( ន.នាមសព្ទ )
ប្រដាប់សម្រាប់ដងទឹកទាញយកមកខាងលើ, ប្រដាប់សម្រាប់ទាញឡើង : យោងដងទឹក, ខ្សែយោង, ដងយោង ។

Headley's Khmer-English Dictionary

យោង ( v ) [youŋ] - detail »
to pull upward; to lift something heavy, haul up on a line; to drag
យោង ( v ) [youŋ] - detail »
to lead, guide, show the way; to extricate from difficulties, help (someone out of trouble)
យោង ( v ) [youŋ] - detail »
to refer / relate / attribute (to); to communicate through letters
យោង ( n ) [youŋ] - detail »
suspended bucket.
យោង ( clf ) [youŋ] - detail »
for bucketfulls eg. ទឹកមួយយោង one bucketful of water (drawn from a well)
យោង ( n ) [youŋ] - detail »
reference; backing, support
យោង ( n ) [youŋ] - detail »
winch