Khmer Dictionary: រាជុបដ្ឋាក

Chuon Nath's Khmer-Khmer Dictionary Full Text Search

មហាតលិក ( ន.នាមសព្ទ ) [មៈហាត្លិក]
(មហាតលេ៏ក អ. ថ. មហាតឡិក) ខ្ញុំរាជការមានមុខងារគាល់បម្រើព្រះរាជា : ក្រុមមហាតលិក (ម. ព.មើលពាក្យ ( ចូរមើលពាក្យ . . . ) រាជុបដ្ឋាក ផង); បើអ្នកដែលនៅគាល់បម្រើក្សត្រិយ៍ពីត្រឹមថ្នាក់ព្រះអង្គម្ចាស់ចុះមកច្រើនហៅថា មហាឡិក ឬ មត្លិក ។
ឧបដ្ឋាក ( ន.នាមសព្ទ ) [អ៊ុបុ័ត-ឋាក]
(ឧបស្ថាយិន៑) អ្នកនៅជិតឲ្យហៅប្រើ, អ្នកនៅបង្ហាញមុខឲ្យប្រើប្រាស់, អ្នកបម្រើ; អ្នកគាល់បម្រើ; កូនក្មួយ : នៅធ្វើជា ឧបដ្ឋាកចៅហ្វាយនាយ ។ ភិក្ខុជាឧបដ្ឋាកគ្រូ ភិក្ខុជាអ្នកបម្រើព្រះថេរៈជាគ្រូ ។ អ្នកទំនុកបម្រុង, អ្នកផ្គត់ផ្គង, អ្នកផ្គង់ចតុប្បច្ច័យឬផ្គង់ចង្ហាន់ (ព. ពុ.) ញោមឧបដ្ឋាក ឧបាសកឬទាយកជាអ្នកផ្គត់ផ្គង់បព្វជិត (បើស្ត្រីជា ឧបដ្ឋាយិកា) ។ ខ្មែរប្រើជា កិ. ក៏មាន “បម្រើ” : បងអញ្ជើញចុះ ! ខ្ញុំនៅឧបដ្ឋាកម៉ែ ។ ប្រើរៀងភ្ជាប់ពីខាងចុងសព្ទដទៃ, ដូចជា
- គិលានុបដ្ឋាក អ្នកបម្រើជំងឺ, អ្នកថែទាំទ្រាំមនុស្សឈឺ (បើស្ត្រីជា គិលានុបដ្ឋាយិកា; បារ. Infirmier, Infirmière) ។
- ចុល្លុបដ្ឋាក ឬ - ចូឡុបដ្ឋាក អ្នកបម្រើបម្រាស់, កូនក្មួយអ្នកបង្ហាញមុខឬអ្នកដើរតាមឲ្យប្រើប្រាស់តាមការ ។
- ពុទ្ធុបដ្ឋាក អ្នកបម្រើព្រះពុទ្ធ : ព្រះមហាអានន្ទជាពុទ្ធុបដ្ឋាក ។
- មាតុបដ្ឋាក បុត្រអ្នកបម្រើឬអ្នកផ្គត់ផ្គង់មាតា (បើបុត្រីជា មាតុបដ្ឋាយិកា) ។
- រាជុបដ្ឋាក អ្នកគាល់បម្រើព្រះរាជា (បើស្ត្រីជា រាជុបដ្ឋាយិកា (ប្រើជា រាជូ-- ក៏បាន) ។ល។

Headley's Khmer-English Dictionary Full Text Search

No matching entries found!